Aurtengo San Joan jaietan, Orbegozo fabrika aukeratu du San Joan Konpartsak, kalejiran antzezteko gai gisa. Banatu ohi duten liburuxkan, Orbegozon lan egin dutenen talde argazki bat argitaratuko da, haiek «nolabait jardueraren partaide egiteko» asmoz. Argazki horretarako elkartu zituzten herenegun, Goiz Eguzkin, Orbegozon aritutakoak: 44 langile ohi azaldu ziren zitara.
Bestalde, San Joan Konpartsak azaldu duenez, aterako duten karrozarako gizonak behar ditu batez ere (langile ohiak izan edo ez). Datorren astelehenean bilera egingo dute, 19:30etan Biterin, eta bertara joatera animatu dituzte herritarrak.