Carcassone mahai-jolasaren txapelketa ofiziala jokatu zen aurreko larunbatean, maiatzaren 11n, Hernaniko Gaueko komiki dendan. Adin guztietako partehartzaileak aritu ziren bertan, mahai-jolas ezagunaren inguruan bilduta, zeinek hiri haundiena eta oparoena eraiki eta puntu gehien pilatuko. Xabat Sesma hernaniarra izan zen jokalari gazteena, 12 urterekin; eta maila politean aritu zen gainera, bigarren errondan txapelketatik kanpo geratu arren.
Denetan onena Luis Gonzalez lasartearra izan zen, eta berak irabazi zuen txapelketa, partida guztietan garaipena lortuta. Horrekin, Carcassone Txapelketaren Espainiako finalerako txartela ere lortu zuen lasartearrak.
Gaueko komiki dendan, berriz, irailaren 21erako jarri dute hurrengo hitzordua: Catan mahai-jolasaren txapelketa ofiziala jokatuko dute egun horretan.