Orbegozo fabrika izango da aurtengo gaia, San Joan Konpartsak herriko jaietan egiten duen urteroko desfilean, ekainaren 27an. Egun horretan, liburuxka bat ere banatu ohi dute, gaiarekin lotutako informazioarekin; eta liburuxka horretarako, argazki bat egin nahi dute Orbegozon lanean aritutako ahalik eta gehienekin. Hori horrela, elkartzeko deia luzatu diete biharko, maiatzak 21, goizeko 11:00etan Goiz Eguzki jubilatuen egoitzan. Bertan aterako dute liburuxkarako taldeko argazki hori.