Euskal Telebista izango dute hizpide gaur arratsaldean, Biterin egingo duten saioan. 19:30etan hasita, Urtzi Urkizu kazetariaren 'Txoria hodei artean, ETB lehen eta gero' liburua aurkeztuko dute aurrena; eta mahai ingurua egingo dute ondoren: ETB, nondik dator eta nora doa? Solasaldi horretan hartuko dute parte Urkizuk berak, Ekhiñe Atorrasagastik, Elixabete Garmendiak eta Lander Arretxeak.
ETBren ibilbideari errepaso sakona egin dio Urtzi Urkizuk liburuan, telebista ezerezetik sortu zenetik gaur egungo erronketara, Euskal Telebistako hainbat aritu eta aditu elkarrizketatuta. Liburuan landutako gai horietan jarriko dute begirada mahai inguruan ere.
Doakoa eta irekia izango da gaurko saiorako sarrera.