Espainiako Trinkete Txapelketan Hernaniko bi taldeak bata bestearen aurka lehiatu ziren Mendilorriko frontoian asteburuan. Hernani A taldeak lortu zuen garaipena Hernani Bren aurka 2-0, 15-11 eta 15-14ko partzialekin. Hernani A taldeko ordezkariak izan ziren Maider Mendizabal eta Miren Goikoetxea. B taldean Izakun Arrosagarayk eta Leire Galdosek jokatu zuten. Partidu berdindua izan zen, baina momentu erabakigarrian hobeto moldatu ziren A taldekoak.
Gasteizko Astronomos frontoian eta Donibane Lohitzunen Euskadiko Trinkete Txapelketak hasi ziren. Gasteizen Errekaleor nagusi izan zen Amaia Irazustabarrena eta Leire Galdosen aurka 30-17. Donibane Lohitzunen Luzean nagusi izan zen, 30-22, Mendizabal eta Goikoetxearen aurka.
5,5ko Banakakoan Iriondok galdu
Hirugarren txapelketa bat ere hasi zen asteburuan. Gipuzkoako 5 t'erdiko Banakako txapelketan Maddi Iriondok 25-17 galdu zuen Debako Iruleak taldeko ordezkariaren aurka. Beraz, ez da asteburu onena izan Hernaniko palistentzat. Lau partiduetatik bakarra irabazi da asteburuan eta hernaniarren artekoa izan da.