Bihar Itzulia Women txirrindularitza lasterketako hirugarren etapa igaroko da Hernanitik, eta trafikoan eragina izango du.
Hernaniko Udaletik jakinarazi dute lasterketa igaro baino 45 minutu lehenago, 09:45ak aldera, erabat moztuko dutela txirrindulariak pasako diren errepidea. Tarte horretan, Latsunbe kaleko aparkalekuetatik hasi, Sorgintxulotik pasa eta Urbeta-Txillidako biribilguneraino ezingo da autorik aparkatu. Elkanotik Agustindarren plazara doan bidea ere hustu egin beharko da.
Txirrindulariak pasatzen direnean trafikoa berehala itzuliko da normaltasunera, eta ohiko aparkalekuetan kotxea uzteko aukera ahalbidetuko dute berriro. Udaletik jakinarazi dute edozein zalantza izanez gero, Udaltzaingoarekin harremanetan jartzeko 943 248 900 telefonora deituta.