Denontzat Hybrid Games proba jarri du martxan Hernaniko Denontzat gimnasioak, eta gaur jokatuko dute. Goizeko 09:30etan abiatuko dira partehartzaileak, Sagastialdeko atletismo pistatik.
Korrika osatuko dute ibilbidea, baina tartean beste hainbat ariketa egin beharko dituzte: ariketa funtzionalak, indar ariketak, OCR... «Guztiak ere erraz egiteko modukoak», Denontzatetik jakinarazi dutenez. Banaka edo binaka ariko dira partehartzaileak, eta 8 edo 16 laguneko multzoetan abiatuko dira, 10 minuturo multzo bana.
Sariak izango dira kategoria bakoitzeko onenetzat: gizonezkoak eta emakumezkoak adin tarteka (-29, 30-39, 40-49 eta +50), eta bikoteak hiru multzotan (mixtoak, gizonezkoenak eta emakumezkoenak).
Gainera, Denontzat Hybrid Games Ligarako puntuagarria izango da lasterketa. Ligako aurrenekoa izango da gaurkoa.