Gipuzkoako Trainerilla Ligaren laugarren estropada jokatuko dute gaur arratsaldean, Orion. Hernaniko Arraun Elkarteak antolatutako proba da, eta beraz, herritar guztiei luzatu diete bertaratzeko gonbitea. 17:00etan hasiko da estropada, Oria ibaian.
Bi batelekin ariko da Hernani, aurreko estropadetan bezala: neska jubenilena eta neska kadeteena. Ligako laugarren jardunaldia ez ezik, jokoan izango da Gipuzkoako Txapelketarako sailkapena ere. Bihar jokatuko da txapelketa, Getarian, goizeko 10:30etan hasita.
Ligako lehenengo estropadetan maila onean aritu ondoren, 'etxeko' estropadan bere onena ematera aterako dira arraunlari hernaniarrak, bihar Gipuzkoako Trainerilla Txapelketan parte hartzeko asmoz.