Sagardoaren Txapelketako bigarren jardunaldia jokatuko dute gaur Galarretan. Arratsaldeko 17:30etan hasiko da jaialdia Arluziaga-Aiestaran VI.a, Susperregi-Eskudero bikoteen arteko lehiarekin. Eta aurreneko partidua jokatuta hasiko dira Sagardoaren Txapelketako bi norgehiagokak.
Lehenengo partiduan Ansa IIak eta Zubirik (Bereziartua), Segurolaren eta Larrañagaren (Petritegi) aurka jokatuko dute. Bigarren partidan, aldiz Urrizak eta Martirenak (Aburuza), Loitegi eta Barrenetxea IV.a (Oialume Zar) izango dituzte aurrez aurre.
Sagardoaren Txapelketako debuta izango dute gaurkoan, Ansa-Zubiri eta Loitegi-Barrenetxea IV.a bikoteek.