Gipuzkoan zein Nafarroan, hainbat probatan aritu dira bailarako mendi korrikalariak, joan den asteburuan. Larunbatean, Zubiriko Nafarroa Xtremen aritu ziren hainbat. 35 kilometroko proba zuten, bakarka edo bikoteka osatzekoa. Banakakoan, seigarren sailkatu zen Xabat Pagola ereñotzuarra, 3:27:46 denborarekin. Binakako proban, berriz, bailarako bi bikote aritu ziren. Mattin Sanzberro hernaniarra eta Ainhoa Arruti urnietarra bederatzigarren izan ziren helmugan (4:41:04), eta laugarren sailkatu ziren bikote mistoetan. Ivan Sorondo eta Jokin Uzkudun hernaniarrak 11garren helmugaratu ziren (4:46:20).
Igandean, berriz, Oñatin aritu ziren Anartz Artola eta Jon Ander Olazabal hernaniarrak, Aloñako Igoeran (22,6 kilometro). Bosgarren izan zen Artola, 2:04:54 denborarekin, podiumetik bi minutura. Olazabal 30garren helmugaratu zen (2:25:22).
Eta igandean bertan, Pagoetako Mendi Lasterketan aritu ziren bailarako 10 korrikalari, Zarautzen. 21 kilometroko proban, zortzigarren sailkatu zen Aitor Aizkorbe goizuetarra (1:51:30). Bost astigartarrek ere osatu zuten proba: Xabier Bastarrarena (2:12:02), Aitor Lizaso (2:15:51), Joseba Bastarrarena (2:17:21), Raul Florez (2:33:55) eta Asier Zabala (2:51:27). Bikote mistoen 8 kilometroko proban aritu ziren bailarako beste lau: Uxue Lopez hernaniarra 18garren izan zen, Jon Ander Iriondo azpeitiarrarekin (49:27); Nerea Iraola eta Eneko Ortiz de Luzuriaga hernaniarrak 32garren sailkatu ziren (53:19); eta Ander Apezetxea goizuetarra 53garren helmugaratu zen, Maider Saralegi lekunberritarrarekin (57:37).