Iritsi da askok esperotako egun haundia. Gaur ospatuko da Bizipoza elkarteak antolatutako egitasmo erraldoia, eta herriko zenbait txoko hartuko ditu. 'Bizipoza jaia' gaur ospatuko bada ere, atzo hasi zituzten beroketa lanak. Izan ere, 'Badator Bizipoza Jaia!' ekimena prestatu zuten Hernaniko ikastetxeek, ekimenari ongi etorria emateko.
Bizipoza osatzen duten 38 elkarteek eta herriko eragileak aritu dira Bizipoza Jaiaren antolaketan buru-belarri, eta egun osoko egitarau oparoa prestatu dute goizetik arratsaldera bitarte. Hiru gune nagusitan banatuko dute Bizipoza Jaia; hala nola, Astegindegin, Urbieta Kalean eta Biteriko plazan. Hiru gunetan, gozamenerako prestatutako jarduerak egingo dituzte; besteak beste, Bizipoza elkarteen guneak egongo dira goizeko 10:30etatik 14:30etara Atsegindegin, Go!azeneko lagunek ere ikuskizuna eskainiko dute goizeko 11:00etan, eta jarraian, Hernaniko erraldoi eta buruhaundien konpartsari egingo zaio lekua. Ttarla dantza taldeak ere emanaldia eskainiko du, eta eguerdiko 12:45etarako berriz, Bizipozako elkarteei eskertza eta aitortza ekitaldia antolatu dute. Hartubol erakustaldiaz gozatzeko aukera izango du bertaratzen denak herriko helduen eskutik, Urbietan eta arratsaldean meriendarako tartea ere egongo da, 17:30etan, Atsegindegin.
BIZIPOZA JAIA GAUR
ATSEGINDEGIN
10:30-14:30, Bizipozako elkarteen gunea
10:30-14:30, Bizipoza jolasa
10:30-14:30, 'Euskal tonbola', Dobera Euskara Elkartearen eskutik
11:00, 'Go!azen'eko lagunen ikuskizuna
11:30, Hernaniko erraldoi eta buruhandien konpartsa, herrian zehar
11:45, Ttarla dantza taldearen emanaldia
12:30, Hernaniko Musika Eskolako trikitilariak, herrian zehar
12:45, Bizipozako elkarteei eskertza eta aitortza ekitaldia
13:30-15:30, Paella jatea, Pausoka Elkartearen eskutik
16:00, Zapotxin, Porrotx eta Marimototsekin irri, kantu eta dantza
17:30, Merienda
18:00, Itzal taldearekin erromeria
URBIETA KALEAN
10:30-14:30, Kanika Aisialdi Taldearen, Aratz Ikastolaren eta Gaztelekuaren haurrentzako tailerren gunea
12:00, Hernaniko Boleibol Taldearen hartubol erakustaldia
BITERIKO PLAZAN
10:30-14:30, Bizipozako elkarteen tailerrak
12:15-14:30, Hernani Burujaberen Altxorraren Bila.