Bizipoza Jaia ospatuko dute bihar Hernanin, egun osoko egitarauarekin, Bizipoza osatzen duten elkarteek eta Hernaniko eragile askok antolatuta. Festak Atsegindegi eta inguruak hartuko ditu, 10:30etan hasita, ekintza sorta oparoarekin: jolasak, tonbola, tailerrak, 'Go!azen'eko aktoreen edota Zapotxin, Porrotx eta Marimotots pailazoen ikuskizunak, paella jatea, erromeria...
Horri begira, gaur berotuko dituzte motorrak. Izan ere, arratsaldeko 15:15etan jarri dute hitzordua Plazan, eta Hernaniko ikastetxeetako ikasleek iragarriko dute jaia bertan.
Bestalde, Bizipoza elkarteak jakinarazi du, biharko festarako boluntarioak behar dituztela, tailerretan, zebrabideak zaintzen, muntaketan eta desmuntaketan... Laguntzeko prest daudenek, markel@bizipoza.eus helbide elektronikora idatzi dezakete.