Eltzekoa talde herritarra aurkeztuko du Hernani Burujabeko Zaintza Mahaiak gaur, 11:30etan Atsegindegin. Datozen hilabeteetan auzo batzuetan antolatuko duten Eltzekadak egitasmoaren berri ere emango dute. Eltzekadak auzokideen arteko harremanak sustatzeko ekintzak dira, elkar ezagutu, ondo pasa eta elkar zaintzeko helburua dutenak. 10:30etan Atsegindegitik abiatu eta azokan informazioa banatzen aritu ostean, 11:30etan Eltzekoa zaintza talde herritarra aurkeztuko dute. Ondoren, 12:00ak aldera, salda eskainiko diete bertaratuei.