Igandean, Euskadiko eskolarteko kirol jokoak jokatu ziren, Erandioko Altzaga kiroldegian, eta bertan izan ziren Hernaniko judokak. Infantilek emaitza ederrak lortu zituzten, eta lortutako garaipena da horren erakusle, euskadiko txapeldun geratu baitziren hiru judoka hernaniar: Mara Roman (-40 kg kategorian), Jara Huegun (-57kg kategorian), eta Aiur Betelu (-60 kg kategorian).
Oier Gainza, berriz, txapeldunorde gelditu zen -66kg kategorian; Irati Ibeasek, berriz, hirugarren postuari eutsi zion, -70 kg kategorian, kadete mailan.
Infantilek lortutako emaitzekin, apirilaren 28an Iruñean jokatuko den Infantil mailako Espainiako Txapelketan hartuko dute parte.