Beste urte batez, Erdi Aroko Azoka jarriko dute Kaxkoan, asteburu honetan. Ostiralean hasi eta igandera bitarte, Erdi Aroko herri bilakatuko dute Hernani, dozenaka posturekin: 80 artisautza postu baino gehiago izango dira, aurreratu dutenez.
Bihar arratsaldeko 17:00etan zabalduko dute azoka, eta hortik aurrera, postuak bisitatzeaz gain, Kaxkoa girotuko duten hamaika ekintzarekin gozatuko dute herritarrek: ipuin kontaketa saioak, musika, artisau tailerrak, jolasak, kalejirak, antzerki eta su ikuskizunak...
Artisauen postuetan, besteak beste, honakoak aurkituko dituzte bisitariek: bitxigintza, kosmetika naturala, larrua eta zeramika. Hainbat elikadura postu ere izango dira, hestebeteekin, goxokiekin edota produktu garrapinatuekin; eta gune arabiar bat ere izango da. Postuak zabalik egongo dira bihar 17:00etatik 22:00etara; eta larunbatean eta igandean 11:00etatik 22:00etara. 15:00ak eta 17:00ak bitartean itxi egingo dituzte artisautza postuak, baina taberna zabalik egongo da.
Asteburu osoan zehar, Eulali ipuin kontalariaren saio ugari eta Urna Regnum taldeko borrokalarien erakustaldiak izango dira Plazan. Dozena bat aldiz aterako da kalera El Tinglao taldea, kale antzerkia eta su ikuskizuna eskaintzera. Eta kalez kale ibiliko dira Barzonia eta Al Maram taldeak ere, musikaz eta dantzaz txoko guztiak alaituz.
|
ERDI AROKO AZOKA
BIHAR, ostirala 17:00, Merkatuaren inaugurazio ofiziala. Haurrentzako gunea eta artisau tailerrak. 17:00 eta 20:00, Al Maram taldearekin musika eta dantza 17:30 eta 20:00, Eulali ipuin kontalaria, Plazan 18:00 eta 20:00, El Tinglaoren 18:30, Ohiko ipuinak, Plazan 20:30, El Tinglaoren ikuskizuna, Plazan ETZI, larunbata 10:30, Desfile orokorra 11:00, Merkatuaren irekiera. Haurrentzako gunea eta artisau tailerrak. 11:00, 12:30, 14:30, 17:00, 18:30 eta 20:30, Al Maram taldea 11:30, 13:30, 17:30 eta 19:00, 12:00, 13:30, 17:15, 18:15 12:45, 14:15 eta 17:30, Tinglao kale antzerkia 13:30 eta 18:00, Urna Regnum taldeko borrokalariak, Plazan 17:00, Haurrentzako gunea eta artisau tailerrak 18:30, Ohiko ipuinak, Plazan 19:00, El Tinglaoren kale ikuskizuna, Plazan 20:30, El Tinglaoren su ikuskizuna, Plazan
APIRILAK 21, igandea 11:00, Merkatuaren irekiera. Haurrentzako gunea eta artisau tailerrak. 11:00, 12:30, 14:30, 17:00, 18:30 eta 20:00, Al Maram taldearekin musika eta dantza 11:30, 13:30, 17:30 eta 19:30, 12:00, 13:30, 17:15, 18:15 12:45, 14:15 eta 17:30, 13:30 eta 18:00, Urna Regnum taldeko borrokalariak, Plazan 17:00, Haurrentzako gunea eta artisau tailerrak 18:30, Ohiko ipuinak 19:00, El Tinglaoren kale ikuskizuna, Plazan 20:30, Merkatuaren bukaera |