Gaur arratsaldean egingo du bisita Furgobaratzak, beste behin, Hernaniko Baratze Parkera. Arratsaldeko 18:00etatik 19:30etara egongo da bertan, eta oraingoan ere, doako tailer bat eskainiko du, interesa duten guztientzat.
Tomate landareak izango dira protagonista tailerrean, azalduko baitute zer hartu behar den kontuan landare horiek osasuntsu edukitzeko: landaketa distantzia, zaintza, tratamenduak... Gainera, tomate landareak ere oparituko dituzte, gerturatzen direnen artean. Eta ohi bezala, aholkularitza zerbitzua eskainiko du Furgobaratzak, baratzeko bestelako gaiei buruz ere.