Gipuzkoako Batel Txapelketak jokatuko dira gaur eta bihar Pasai San Pedron. Goizeko 10:00etan hasiko dira estropadak asteburuan zehar. Gainera, gaurkoak txapelketarako sailkatze probak izango dira, eta Gipuzkoako Batel Ligarako puntuagarria izango da, amaiera emanez.
Gaur binaka, erlojuz kontrako estropada izango da, eta bihar finalak lau kaleko txandetan jokatuko dira. Sailkatze estropadan lehenengo lau postutan sailkatzen direnek finalak jokatuko dituzte eta hurrengo lauak Federazio Saria izango dute jokoan.
Lau maila daude nesketan eta mutiletan (infantilak, promesak, jubenilak eta seniorrak), eta Hernanik partaidetza izango du nesken maila guztietan eta mutilen promesa mailan. Helburua finaletara iritsi eta dominaren bat lortzea izango da.