Asteburu garrantzitsua biziko du boleibolak Euskal Autonomi Erkidegoan, Euskadiko Txapelketak jokatuko baitira kadete eta jubenil mailetan.
Gainera kadete mutilen txapelketa gaur Hernaniko kiroldegian izango da. Goizeko 10:00etatik aurrera Udapa Jatorkide, Gallarta, Ipar Titanak, Bera Bera, Sestao, Carmelitas, Salbatore Mitxelena, Rekalde 2, Harresi eta Hernani 1 lehiatuko dira garaipenaren bila. Hernani 1ek, Salbatore Mitxelenaren aurka debutatuko du 11:30etan. Arratsaldean 16:00etan finalaurrekoak jokatuko dira, eta 18:00etan finala izango da.
Beste hiru txapelketa
Kadete neskek Galdakaon izango dute Euskadiko Txapelketa. Hau ere gaur 10:00etan hasiko da, eta zortzi talde arituko dira nor baino nor: Madre de Dios, Sestao, Ekialde, Galdakao, Gallarta, Getxo, Tolobolei eta Hernani. Hernaniarrek 10:00etan jokatuko dute lehenengo partidua Madre de Diosen kontra. Finalaurrekoak 13:00etarako daude iragarrita eta finala 17:00etan hasiko da.
Jubenil nesken eta mutilen txapelketak ere Bizkaian jokatuko dira, baina bihar jokatuko dira. Neskek Getxon jokatuko dute eta sei talde lehiatuko dira: Madre de Dios, Vialki Jatorkide, Sestao, Ekialde, Galdakao eta Hernani. Hernanik Galdakao izango du aurkari 12:00etan. Finalaurrekoak 13:00etan hasiko dira eta finala arratsaldeko 16:00etan.
Jubenil mutilen Euskadiko Txapelketa Gallartan izango da. Bihar 10:00etan Hernanik Madre de Dios izango du aurkari eta beraiekin batera izango dira lehiatzen: Udapa, Galdakao, sestao, Gallarta, Maierrota eta Rekalde. Hemen ere, finalerdiak 13:00etan jokatuko dira, eta finala 17:00etan.