Eskaintzen dituzten zikloak eta egiten duten lana ezagutarazteko asmoz, apirilaren 18rako, azoka eder bat antolatu du Hernaniko Lanbide Heziketak, azken bi urtetako ohiturari eutsita. Tilosetan izango da azoka, goizez eta arratsaldez, ondorengo ordutegian: 10:00etatik, 17:00etara. Aipatu moduan, Lanbide Heziketako zikloen erakusketak izango dira bertan eta zuzeneko azalpenak jasotzeko aukera ere izango dute herritarrek. Euria egingo balu, antolatzaileek azaldu dute, Atsegindegira lekualdatuko litzatekeela azoka.
Amaitzeko, Lanbide Heziketak herritarrak bertaratzera animatu nahi ditu: «bertaratu eta informatu!».