Ramadan betean da komunitate musulmana, eta hitzordu berezia jarri du Hernaniko Arrisala zentro kultural islamiarrak, biharko. Iftar familiarra antolatu du, Elizatxo ikastolan: baraua apurtzeko afaria familian egingo dute, alegia. Arratsaldeko 19:00etan jarri dute hitzordua, eta bertaratzeko gonbitea luzatu dute, une berezi hori konpartitzeko.
Bertaratzeko asmoa dutenei, aldez aurretik konfirmatzea eskatu diete: 600 652 167 eta 678 292 676 telefonoetara deitu dezakete horretarako.
Martxoaren 11n hasi zen Ramadana, eta datorren astean bukatuko da.