100 urte bete ditu Maria Setefilla Murillok

Kronika - Erredakzioa 2024ko mar. 29a, 00:00
Ingurukoekin ospatu zuen urtebetetze eguna Murillok.

Atzoko egunez bete zituen 100 urte, eta Xabier Lertxundi alkatearen bisita jaso zuen Sandiusterrin.

Egun zoriontsua izan zen atzokoa Maria Setefilla Murillo hernaniarrarentzat. 100 urte bete zituen Murillok, urteurren borobil bezain berezia.

Badajozko Retamal de Llerena herrian jaio zen Murillo 1924ko martxoaren 28an, eta 30 urterekin iritsi zen Euskal Herrira. Astigarragako Ergobia auzoan bizi ondoren, Hernaniko erdialdera iritsi zen. Etorri orduko, Carrero lantegian aritu zen lanean, eta hura itxi zutenean Metalcain enkargatu lanak egin zituen. Horrez gain, Hernaniko dendentzako jertseak trikotatzen zituen.

Urteurren berezia dela eta, Hernaniko Udaletik zorion mezua helarazi nahi izan zioten atzoko egunez, eta Xabier Lertxundi alkatearen bisita jaso zuen Murillok.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!