Guztira sei partidu jokatu zituzten Hernaniko boleibol jokalariek asteburuan, eta horietatik bost garaipen lortu zituzten. Hernaniko jubenil mailako nesken, Hernani 1 taldeak etxean jokatu zuen Harresi 1 taldearen aurka, eta 3-0eko emaitzarekin, sekulako garaipena lortu zuen. Emaitza ikusita, badirudi partidu erraza izan zela baina, jokoak orekatuak izan ziren. Garaipen honekin, Hernani 1 taldea lider doa.
Kadete mailako mutilek atzeratutako partidua jokatu zuten, Hernani eta Harresi taldeen artean, eta norgehiagoka oso parekatua izan bazen ere, 3-2ko porrotarekin amaitu zuen Hernanik. Kadete mailako neskek, Hernani 1 taldeak erraz gainditu zuen aurkaria (Arizmendi 1) 3-0 emaitza lortuta. Beste aldetik, Hernani 2 taldeak, Salbatore Mitxelena Zarautz taldea izan zuen aurkari eta Hernanik 3-0 gailendu zen, Zarautzeko taldearen aurka.
Infantil mailako neskek garaipena lortu zuten Oarso Gorria taldearen aurka, partidu orekatu batean: 3-2.