Gipuzkoako euskal dantzarien biltzarrak, Gazte mailako Hernaniko aurresku txapelketa antolatu du iganderako, Hernaniko Udalaren, Gipuzkoako Foru Aldundiaren eta Etorkizuna Orain Gipuzkoaren laguntzarekin.
Goizeko 11:00etan hasiko da txapelketa, Biteriko areto nagusian, eta sarrera doakoa izan dela ziurtatu dute antolatzaileek, beraz, edonork du bertaratzeko aukera. Guztira 31 dantzarik hartuko dute parte, ondorengo herrietatik etorrita: Aduna, Amasa-Villabona, Areso, Donostia, Elgoibar, Errenteria, Legazpi, Leitza, Lezo, eta Zizurkil.
Adinaren arabera, 2 sail ezberdinetan banatuko dira; A sailean, 2014, 2015 eta 2016 urteetan jaiotakoek hartuko dute parte; eta B sailean, berriz, 2011, 2012 eta 2013 urteetan jaiotakoek.
Dantzariek ondorengo dantzak eskainiko dituzte: Ormatxulo, Agurra, Hondarribi Handia eta Legazpiko zortzikoa. Epaimahaia, berriz, osatuko dute Katerin Artolak, Nahikari Vizuetek eta Idoia Besadak.