Hernaniko Udalak eta AEK-k antolatuta, gaur goizean egingo dute adinekoen 'Dino Korrika' Hernanin. Goizeko 10:30etan abiatuko da lasterketa Sandiustrerritik, eta Hernaniko erdiguneko kaleak zeharkatuko ditu. Goiz Eguzkiko kideek Milagrosako aparkalekuan hartuko dute lekukoa, eta bazkide guztiei egin diete parte hartzeko deia. Ondoren, Ttapa ttapa egitasmoko kideen txanda izango da. Korrikak adin guztientzako du lekua.