Ikasturteari bukaera emateko, kontzertuak eskainiko dituzte Hernani Musika Eskolako ikasleek, ekainean zehar, gaur zortzi hasita. Abesbatza izango da emanaldia eskaintzen aurrenekoa, hilaren 12an, 18:30etan Milagrosan.
Gainerako guztiak Biterin izango dira, 18:30etan hasita: alboka, txalaparta eta trikitixa ikasleak 13an; txistu, dultzaina eta trikitixa ikasleak 14an; tronpetarekin, klarinetearekin eta zeharkako txirularekin dabiltzanak 15ean; pianoko ikasleak 19an; saxofoikoak 20an; akordeoi eta biolin ikasleak 21ean; eta gitarra ikasleak 22an.