Martxoko Zilegi Eskolako ikastaroek aurrera jarraitzen dute, eta gaur, tango ikastaroaren txanda da. Andoni Martinez de Ustaranek eskainiko du tailerra, goizeko 09:30etan, Ttarla dantza taldearen lokalean. Tangoaren istorioa entzuteaz gain, Argentinako dantzaren lehen pausoak ikasteko aukera ere izango du bertaratzen den orok. Beraz, bertaratzeko deia luzatu du Zilegi Eskolak, «euskera praktikatzeko aukera ezin hobea eskaintzen dugu Zilegi Eskolan, hortaz, dantza eginez, mintzapraktika egin nahi duen oro gonbidatuta dago!».