'Nitik gura' izeneko idazketa sortzaile tailerra antolatu du Hernaniko Kultura Sailak. Apirilaren 10etik ekainaren 12ra bitartean izango da tailerra; asteazkenero, ordu eta erdiko saioak, arratsaldeko 19:00etatik 20:30etara, hain zuzen.
Saioak Yolanda Arrieta idazleak gidatuko ditu, eta Biterin izango dira. Ikastaroaren prezioa 35,65 euroko da, eta informazio gehiago eskuratu daiteke ondorengo helbidera idatzita: kultura@hernani.eus.
Herritarrek dagoeneko apuntatzeko aukera dute, eta hilaren 22an amaituko da izenematea.