Larunbat arratsaldean egin zituzten txotx garaia eraldatzeko prestatutako kultur jarduerak. Arratsaldeko 17:30ak aldera hasi zen erromeria, eta dantzan jarri zituen Tilosetara bertaratutako herritarrak. San Joan konpartsako kideak gustura aritu ziren bertan, eta giro ederra sortu zen.
Arratsaldeko 19:30etan, berriz, Atsegindegira lekualdatu zen festa giroa. Bertan, herritar askoren begiradapean, ikuskizun ederra eskaini zuen Oinkari dantza taldeak.
Sagardoaren Mahaian hartu zuten jarduera hauek prestatzeko erabakia, bi helburu betetzeko asmoz: «Batetik, hernaniarrok espazio publikoa berreskuratzeko xedea du, txotx denboraldian ere herritarrek sagardoaren kulturaz eta harremanaz gozatzeko. Bestetik, kanpotik datozenei Hernaniz modu osasuntsuan goza dezaten gonbidatu nahi zaie.