Bigarren itzuliko bosgarren jardunaldiko partidua jokatuko du gaur arratsaldean (16:00) Hernanik, etxean, Gaztediren aurka. Oraingoz, bigarren fasean jokatutako partidu guztiak irabaztea lortu du Hernanik, eta bide horretan jarraitu nahi du taldeak. A multzoko aurreneko postuan bukatzea daukate jokoan trikoloreek, eta gaurkoa izango da horretarako klabeetako bat; bestea, datorren asteburuan Real Oviedoren kontra jokatuko dutena, Landaren hori ere.
Une honetan, 5 puntuko aldea dauka Hernanik Gernika bigarren sailkatuarekin.