Bihartik aurrera (ostirala) Langile ikastolaren Laubidieta eraikinean goizeko sarrera orduko auto-pilaketa arintzeko, Udaltzaingoak Iturregi kaleko trafikoa bideratuko du 08:50etatik 09:10etara. Ordu-tarte horretan, Langile ikastolako oinezkoen sarreraren parean bidea moztuko da, ibilgailuak ez pilatzeko eta ikasleak oinez seguru joateko. Hori bai, auzotarrek sartu eta ateratzeko aukera izango dute baimen berezirik gabe. Eskaera Langile Ikastolako zuzendaritzatik iritsi da udaletxera.