Pasa den asteburuan, III. Nazioarteko Hamaikasax Lehiaketa Saxofoi-Jole Gazteentzat izan zen Elgoibarren. Eta bertan, Hernaniko Musika Eskola Publikotik aurkeztutako hiru ikasleek emaitza bikainak lortu zituzten.
C sailean, 12 urte artekoenean, lehenengo saria partekatu zuten Xabier Abril Rama eta Ander Pacheco Montero hernaniarrek. Epaimahaikideek honakoa azaldu zuten sari banaketaren unean: «Ez ginen ados jartzen Anderri edo Xabierri eman lehenengo saria, eta biak eskola berdinekoak zirela, ikusita biek txapela konpartitzea erabaki dugu».
Malen Pachecok, bigarren saria
B sailean, 14 urte artekoenean, Malen Pacheco Monterok bigarren postua lortu zuen. A sailean, 16 urte artekoetan, irabazlea Kantabriako Ilia Pelayo Gonzalez izan zen, eta bigarren postua Cristina de los Angeles Gomez Guerra kanariarrak eskuratu zuen.