Hernaniko Udal Jolas Igerilekuko tabernaren zerbitzua esleitzeko prozesua martxan du Udalak. Etzi izango da proposamenak aurkezteko azken eguna. Estali gabeko igerilekuetako taberna zerbitzua kudeatzeko interesa duenak, gutxienez denboraldiko 1.650 euro (BEZ kanpo) ordaindu beharko dio Udalari. Kopuru hori gehitzea hobekuntza gisa hartuko da. Urtebeteko kontratua izango da, gehienez ere lau urte arte luzagarria.