Guztira hamar partidu jokatu dituzte asteburuan eta horietatik bederatzi garaipen lortu dituzte Hernaniko boleibol taldeek. Neska seniorrek Ipar Titanak Donostiako taldeari egin zioten bisita, eta 1-3ko garaipenarekin itzuli ziren etxera. Hasieratik gailendu ziren Hernaniko neskak (0-2), baina hirugarren jokoan, talde Donostiarrak irabazi zuen (1-2). Hala ere, laugarren jokotik aurrera, hernaniarrak gehiago zirela erakutsi zuten: 15-25, 23-25, 25-22 eta 15-25.
Neska jubenilek ere ez dute hutsik egin, bi taldeak bisitari modura jokatuta ere, Hernani 1 taldeak 0-3ko emaitzarekin gainditu zuen Tolobolei taldea (5-25, 19-25, 6-25). Hernani 2 taldeak, berriz, Donostian jokatu zuen Aldapeta Maria A taldearen aurka eta garaipena lortu zuten neska hernaniarrek (0-3), partiduaren jaun eta jabe izanik: 22-25, 16-25 eta 18-25.
Mutil kadeteek, Bera Beraren aurka jokatu zuten Donostian. Partidu luzea eta parekatua izan bazen ere, Hernanirentzat izan zen garaipena: 2-3; ondorengo jokoekin: 14-25, 28-26, 25-22, 19-25 eta 13-15. Maila berean, nesken hiru taldeek irabazi zuten, hirurek kiroldegian jokatuta. Hernani 1 taldeak, aurkariari ez zion tantorik egiten utzi: 3-0. Bere aldetik, Hernani 2 taldea Fortuna 1 taldearen aurka lehiatu zen eta 0-3 emaitzarekin amaitu zen norgehiagoka. Azkenik, Hernani 3 taldeak, Harresi 1 taldearen aurka neurtu zituen indarrak, eta kostata, Hernanik 3-2ko garaipena lortu zuen.
Asteburuan, neska infantiletan, Hernani 1 taldeak jaso zuten porrota (3-1), Tolosaren aurka, etxetik kanpo jokatutako partiduan; eta Hernani 2 taldeak, berriz, txanponaren beste aldea ezagutu zuen, Ostadar B garaituta (3-0). Mutilak ere 3-1 gailendu ziren Usurbilgo Udarregiren aurka.