Bi jardunaldiren ondoren, etxera itzuliko da gaur Hernaniko Ohorezko B mailako taldea. La Únicaren aurka jokatuko dute arratsaldean, 16:00etan hasita, Landaren.
Bigarren fasean emaitza ezinhobeak lortzen ari da Hernani; momentuz, jokatutako partidu guztiak irabazi dituzte trikoloreek, eta maila horretan mantentzea da taldearen helburua. La Únicak, berriz, bigarren faseko hiru partiduetatik bi irabaztea lortu du.
Trikoloreek dagoeneko jokoan ezer gutxi duten arren, garrantzitsua da klubarentzat denboraldia ahozapore gozoarekin amaitzea.