Ahoz Aho Ahozkotasunaren Nazioarteko jaialdiaren baitan, etzi etxeko txikiei bideratutako ipuin kontaketa eskainiko dute. Arratsaldeko 17:30etan izango da Antziolako Libgunean, eta saio bikoitza izango da. Horietako bat Odei Arregik eskainiko du euskeraz, eta bestea, berriz, Charo Pita galiziarraren eskutik izango da, gaztelaniaz. Helduentzako saio bat ere antolatu dute, otsailaren 22rako.