Giro ederrean borobildu zuen Dobera Euskera Elkarteak 30. urteurreneko ospakizuna. 40 lagun inguru elkartu ziren Txantxangorri Elkarteko mahaiaren bueltan, eta bapo bazkaldu ondoren, kantuan aritu ziren Imanol Kamio eta Aitor Atxega musikarien laguntzaz. Bazkaria hasteko eta amaitzeko herriko bertsolariak izan ziren bertan.
Atzokoa izan zen urteurrenaren bueltan antolatutako azken jarduera, eta erronka berrietan buru belarri lanean hasteko prest daude Doberako kideak: «Egitasmoekin buru belarri ari gara, baina baditugu euskeraren normalizazioari begirako beste ekimen batzuk buruan».