Hernaniko kaleak kolorez eta musikaz beteko dira ostiral arratsaldetik aurrera

Kronika - Erredakzioa 2024ko ots. 4a, 00:00

Txarangarekin batera ibiliko dira eskoletako haurrak ostiral arratsaldean.

Inauteriak iristear dira, eta Hernanin dagoeneko prest dago festetako egitaraua. Aurtengoan ere ez dira ohiko Azeri dantza, buruhaundiak eta txarangak faltako. Festak hilaren 13an amaituko dira, Sardinaren ehorzketarekin.

Dagoeneko ate joka daude Inauteriak, eta aurtengoan ere egitarau zabala izango dute hernaniarrek. Haurrek, gazteek eta helduek gozatzeko moduko jarduerak prestatu dituzte, eta kolorez beteko dira herriko txokoak.

Festen hasiera ostiralean izango den arren, gaur bertan egingo dira egitarauko lehenengo jarduerak. Ohiko modura, Inauteriak iragatzera iritsiko dira Inudeak eta Artzainak, Urumea ikastolako Gay Mur eraikinetik abiatuta. Gainera, konpartsaren jarduna bukatu orduko, 13:00etan, Inauterietako kontzertu klasikoa eskainiko du Hernaniko Musika Bandak, Udaletxeko arkupeetan.

Askotariko jarduerak, ostiraletik aurrera

Hilaren 9an egingo dute festen hasiera ekitaldia, eta ordutik aurrera festa giroa izango da protagonista. Azeri dantza, buruhaundiak, txarangak eta kontzertuak izango dira asteartera arte.

Larunbata izango da festetako egun nagusia, eta arratsalde horretan Goxua'n Salsa taldeak girotuko du herria, Tilosetan eskainiko duen kontzertuarekin.

Inauteriak otsailaren 13an bukatuko dira, Sardinaren ehorzketarekin.

INAUTERIAK 2024

HERNANI

GAUR

11:30 Inude eta artzaiak,
Gay Mur eraikinetik irtenda. Urumea ikastola.

13:00 Hernaniko Musika
Bandaren Inauterietako
kontzertu klasikoa. Udaletxeko arkupeetan.

OTSAILAK 9 - ostirala

15:15 Jaien hasiera Gudarien plazan. Jarraian, eskola umeak irtengo dira txarangekin.

17:00 Erraldoi eta
buruhaundien konpartsa,
dultzaineroez lagunduta.

17:30 'Kontu Kantari'
ikuskizuna haurrentzat,
Plaza Berrin. Euria egiten
badu, Atsegindegin.

19:00 Afizionatu kategoriako pelota partiduak, frontoian.

19:00 Matraka elektrotxaranga.
Gaztelekua.

19:30 Hernaniko Musika Bandaren kontzertu tematikoa. Biteri Kultur Etxean.

OTSAILAK 10 - larunbata

10:00 Azeri dantza.

11:30 Inauterietako txaranga.

12:00 Erromeria 'Jeiki Hadi' taldearekin Plaza Berrin. San Joan Konpartsa.

12:30 Erraldoi eta buruhaundien konpartsa txistulari eta dultzaineroez lagunduta.

17:30 Azken festa, Tomaxen abenturak, haurrentzako
antzerkia Milagrosan.

18:30 Gaztetxoen dantza saioa eta DJ-a Atsegindegin.

19:30 Goxua'n Salsa taldea Tilosetan. Euria egiten badu, Biterin zutik.

22:00 DJ festa Atsegindegin.

00:00 Incansables txaranga.

OTSAILAK 11 - igandea

11:30 Inauterietako txaranga.

12:00 Ttarla taldearen
konpartsa eta mozorroen
kalejira. Paradorretik.

18:00 Inauterietako txaranga.

19:00 Hernani Musika Eskola publikoko trikitilariak kaleetan barrena.

19:00 WC, David Cebrián,
publiko guztientzat hitzik
gabeko antzerkia,
Atsegindegin.

OTSAILAK 12 - astelehena

09:00 Diana, Hernaniko Herri Musika Elkartea.

10:00 Azeri dantza
gaztetxoentzat.

12:00 Haur eta
gaztetxoentzako puzgarriak. Atsegindegin.

16:00 Erraldoi eta
buruhaundien konpartsa,
dultzaineroez lagunduta.

17:00 Haur eta
gaztetxoentzako puzgarriak. Atsegindegin.

OTSAILAK 13 - asteartea

18:30 Sardinaren ehorzketa, dultzaina taldearekin.

Gizartea Hernani

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!