Igande honetan, otsailaren 4an, kontzertua eskainiko du Hernaniko Musika Bandak udaletxeko arkupeetan. Eguerdiko 13:00etan hasiko da kontzertua, eta 'Iñaki Cia Olaskoaga' obra estreinatuko dute bertan. Obra hau Joxe Mari Oiartzabalek idatzitako lana da, Musika Bandako Iñaki Cia bonbardinojolearentzat prestatua.
Obra honen bidez bonbardinoa ezagutarazi nahi dute bandako kideek, Hernaniko gazteak instrumentua ikastera animatzeko.
Kontzertu horretan Miguel Lujanbio hernaniarrari ohorezko ikurra eskainiko diote, urteetan egindako lana eskertzeko.