Otsailetik aurrera, Hernaniko asteburuetako zinema saioek ordutegi berria izango dute. Ostiral gaueko filmik ez da izango, eta aldiz, astelehenetan, Ikuslearen Egunean, bi emanaldi eskainiko dira, arratsaldeko 16:30etan, bata, eta 19:30etan, bestea. Era berean, haurrentzako saioen ordutegia ere aldatu egingo da. Otsailaren 3tik aurrera, arratsaldeko 16:30etan eskainiko dira filmak, 16:45etan beharrean.
Inauterietako asteburuari dagokionez, azkenik, otsailaren 9a, ez da zinema saiorik izango.
Aldaketarik ez prezioetan
Zinema sarreren kostua orain arte bezalaxe mantenduko da: ohiko sarrerak 4,5 euroko kostua izango du, eta haurren filmek zein Ikuslearen Egunean eskainitako pelikulek, 3 euro balioko dute. Biteri kultur etxean bertan eta kultura.hernani.eus webgunean eskuratu ahalko dira.