Partaidetza eta Hernani: nola eragin herriko erabakietan nire errealitatetik abiatuta? izeneko jardunaldia antolatu du gaurko Hernaniko Udalak, Biterin. Goizeko 09:45etan irekiko dira jardunaldiko ateak eta 10:00etan emango zaio hasiera herri mailako aurkezpenari, eguerdiko 13:00ak arte. Udalak azaldu du herritar oro dagoela gonbidatuta, «ez baita jardunaldi teknikoa izango. Izan ere, gure asmoa da Udalaren eta herritarren arteko harremana, lotura eta komunikazioa hobetzea».
EGITARAUA
HERNANI
GAUR
10:00-10:15, Hernaniko parte-hartze eta lurralde-antolaketa prozesuaren aurkezpena.
10:15-11:15, Nola baldintzatzen du Hernaniko hirigintza eta lurralde antolaketak hernaniarren partaidetzan?
Itziar Gonzalez Virós arkitektoaren ondorioak, Hernani ezagutu ondoren.
11:15-11:30, Atsedena. Kafe-tartea.
11:30-12:30, Elkarrekin hausnartuz: zein da herritarren iritzia?
12:30-13:00, Ondorioak eta bukaera.