Bihar, Olatz Zugasti abeslari eta artista hernaniarrak kontzertua eskainiko du Orioko kiroldegian, 'Hitzño bat erran eta, banua berhala' lana aurkezteko 19:00etan hasita.
Diska berriko kantuez gain, 30 urteko ibilbidean sortu eta grabatu dituen abestiak ere eskainiko ditu, eta ohiko musikariak oholtzaratuko dira Zugastirekin batera: Ander Ederra (gitarrak), Amaiur Cajaraville (baxua), Ander Zulaika (bateria eta perkusioak) eta Gratxina Lertxundi (haizezko tresnak, ahotsa eta teklatuak).