Hernaniko jubenil mutilen taldea Euskal Ligara igotzeko promozio fasea ari da jokatzen atzotik Bakion. A taldean daude hernaniarrak Muskiz, Valle de Trápaga eta Sima Corazonistas taldeekin batera. Atzo arratsean Muskizen aurka jokatu zuten, eta gaur bigarren partidua izango dute, 16:15etan, Valle de Trápagaren kontra. Bihar amaituko da promozio fasea, eta 12:00etan Sima Corazonistas izango dute aurkari. Lehenengo postuan sailkatzen den taldeak lortzen du igoera. Hori da hernaniarren helburua.
Mutil seniorrek eta neska jubenilek etxetik kanpo jokatuko dute gaur eta bihar. Nagusiek Zumaiara bidaiatuko dute 17:30etan Pulporen aurka jokatzeko. Nesken bidaia motzagoa izango da. Urnietan jokatuko dute bihar, 12:00etan.