Urte berriari hasiera emateko, Osiñagako Auzo Elkarteak bilera antolatu du iganderako. Eguerdiko 12:00etan hasiko da Arraitzuko eskolan, eta auzotarrei bertaratzeko deia egin diete antolatzaileek.
Batzarrean landuko dituzten gaiak izango dira: 2023garren urtean egindako lanaren balorazioa eta kontuen azalpena; 2024rako jaiak, bilerak eta proiektuak finkatzea; auzoan dauden beharrak eta bestelakoei buruz jardutea; batzordearen karguak aldatzea; eta azkenik, auzokoek azaldu nahi duten edozein gai lantzea.