Une honetan, Hernaniko Udala klima aldaketara egokitzeko Plana lantzen ari da, «krisi klimatikoari aurre egiteko», argudiatu du. Udalak azaldu du Planaren helburua dela berotegi-efektuko gasen isurpenak murrizteaz gain, dagoeneko aurreikusten diren inpaktuetara egokitzeko ekintzan martxan jartzea.
Eta horretarako, Udalak Hernaniko herritarrek klima aldaketaren inguruan duten ikuspuntua eta kezkak ezagutu nahi ditu: «izan ere, herritarrak dira euren herria ondoen ezagutzen dutenak».
Iritziak biltzeko, urtarrilaren 25erako, partaidetza saio ireki bat antolatu du Udalak, arratsaldeko 18:00etan hasita, Biterin. Partaidetza saio irekia da, eta ordu eta erdiko iraupena izango du, «edonork har dezake parte saioan, ez baita inongo ezagutza teknikorik behar», gehitu du Udalak.
Hala, saio honetan, Udalak esku artean dituen datuak eta informazioa herritarrekin partekatuko ditu, eta horrez gain, etorkizunean garaiarekin lotuta egin beharko liratekeen ekintzan definitzeko proposamenak ere bildu nahi ditu.
Partaidetza saio ireki hau, Hernani klima aldaketara egokitzeko Planari lotutako bigarren partehartze saioa izango da, izan ere, abenduan, herritarrek online formatuko galdetegia betetzeko aukera eskaini zien Udalak eta hori izan zen aurreneko partehartze saioa.