'Hernani ezagutuz' izena jarri dio Mendiriz Mendik, gaurko antolatu duen ibilaldiari. Izan ere, Latsetik hasita, Hernaniko inguruak bisitatuko dituzte 8 kilometroko ibilbidea osatuta: «Ibilbidea Usokoerrekako sakanatik eta Akolako gandorretik doa. Lehena natura aberastasun haundiko bailaratxoa da. Bigarrenetik kosta aldera dauden bistak, izugarriak». Goizeko 09:00etan jarri dute zita Atsegindegin.