Asteartean egin zuen Hernaniko Udaleko Gobernu Taldeak Auzo Birako lehenengo saioa, Meabe eraikinean. Beste zazpi bilera geratzen zaizkie, eta gaur egingo dute bigarrena; kasu honetan, Floridako elizan. Bertara auzo hauetan bizi diren herritarrak deitu dituzte: Sagastialde auzoa; Sagastialde berri; Antziola 31-116; Bestizan; Etxeberri eta Florida 46-161.
2023-2027 Gobernu Planaren aurkezpena egiteaz gain, eremu bakoitzerako aurreikusten dituzten proiektuetan sakonduko dute ordezkariek. Gainera, herritarrek ekarpenak egiteko aukera izango dute. Udaletik parte hartzeko deia egin dute: «Udalak hernaniar guztiak gonbidatu nahi ditu Auzo Birara, Udala eta auzotarren arteko zuzeneko harremana izateko gune aproposa izango baitira.