Gabonetako oporrak amaituta, aste honetan ekin diote Hernaniko Gaztelekuan ohiko martxari. Dagoeneko argitaratu dute hilabeteko egutegia, eta jarduera berezi ugari prestatu dituzte.
Larunbatetan egingo dituzten ekintzetan parte hartzeko beharrezkoa izango da aurrez izena ematea; Gaztelekuan bertan ahalbidetuko dute apuntatzeko aukera. Jarduera horiek Costa Jumpera irteera, bitxigintza tailerra eta pintxo txapelketa izango dira.
Lehiaketekin jarraituta, urtarrilaren 23tik 25era argazki lehiaketan parte hartzeko aukera izango dute gazteek. Sari banaketa, berriz, hilabeteko azken egunean egingo dute, urtarrilaren 31n.
|
GAZTELEKUKO EGITARAUA HERNANI BIHAR 17:00 Ping pong txapelketa. URTARRILAK 13 16:30 Costa Jumpera irteera. Aurrez izena eman behar da. URTARRILAK 14 16:30 Mandalak. URTARRILAK 17 17:00 Merienda osasungarria. URTARRILAK 19 16:30 Futbolin txapelketa. URTARRILAK 20 16:30 Bitxigintza tailerra. URTARRILAK 23-25 Argazki lehiaketa. URTARRILAK 27 16:30 Pintxo txapelketa. URTARRILAK 28 16:30 Filmak eta palomitak URTARRILAK 31 17:00 Argazki lehiaketako sari banaketa. |