Gaur beteko lituzke Eduardo Chillida eskultore hernaniarrak 100 urte. Horregatik, ekitaldi berezi bat prestatu dute arratsalderako, 18:30etan hasita, Donostiako Victoria Eugenia antzokian.
Ekitaldia Chillidaren obran eta pentsamenduetan oinarrituta egongo da, eta Anne Igartiburuk eta Mikel Chillidak gidatuko dute.
Antzokia guztiz beteko da prestatutakoaz gozatzeko, dagoeneko ez baita sarrerarik geratzen.
Ate irekiak asteburu honetan
Asteburu honetan, larunbatean zein igandean, ate irekiak antolatu dituzte Chillida Leku museoan. Bertaratzen direnek aukera izango dute eskultorearen obra sakonago ezagutzeko. Gonbidapenak Chillida Lekuren webgunean erreserbatu behar dira.