Gabonetako oporrak aprobetxatzeko asmoz, lau jarduera antolatu zituzten Portuko Auzo Elkarteko kideek auzotar guztientzat eta guztiak ere arrakastatsuak izan dira. Abenduaren 27an pelikula eskaini zen eta urte bukaera ospatzeko ibilaldia antolatu zuten Santa Barbarako gotorlekuraino eta ermitaraino.
Urte berriarekin batera, urtarrilaren 2an erroskila tailerra antolatu zuten auzoan eta azkenik, urtarrilaren 4an, papera egiteko tailerra antolatu zuten. Ekitaldi guztietan jende askok hartu du parte eta auzo elkartean oso gustora daude izan duten jarraipenarekin. Ez dute aspertzeko denborarik izan.
