2019an baino lehangoko hipoteka gastuak erreklamatzeko epea urtarrilaren 23an amaituko da. Beraz, egoera horretan dauden herritarrei, Kontsumobideko inprimakia eman eta erreklamazioa egiteko laguntza eskainiko die Hernaniko Kontsumitzaileen Informaziorako Udal Bulegoak (KIUB). Hala ere, azalpenak eta dokumentazioa jasotzeko, aldez aurretik hitzordua eskatu behar da 943 55 26 10 edo 943 55 78 54 telefonoetara deituta. KIUB zerbitzua Sandiusterriko udal eraikinean dago.
Hipoteka formalizatzeko gastuen zati bat berreskuratzeko aukera
Espainiako Auzitegi Gorenak adierazi zuen 2019a baino lehen hipoteka sinatu zuten bezeroek finantza-erakundeak hipoteka formalizatzean kobratu zizkion gastuak itzultzeko eska dezakeela adierazi zuen epai baten bidez: «praktika hori gehiegizkotzat jo baitzuten Bankuak, kobratuko zenbatekoaren zati bat itzultzera behartuta daude.
Auzitegi Gorenak 2019ko urtarrilean eman zuen epaia, eta bost urteko preskripzio-epea laister bukatuko dela jakinarazi du Udalak. Horrenbestez, honakoa azaldu du: «egoera horretan dauden hernaniarrei KIUBen laguntza eska dezakete».